Ríkisútvarpið virðist halda upplýsingum leyndum fyrir hópi fólks

Við allítarlega skoðun á vef Ríkisútvarpsins kemur í ljós að kosningavefurinn X14 virðist ekki aðgengilegur. Birt er landabréf af Íslandi og virðist þurfa að smella á nöfn sveitarfélaga. Skjálesarar lesa ekki þennan vef.
Þá er nú flóknara fyrir blinda og sjónskerta að finna beinar útsendingar en áður.
Þess vegna var nýmiðlastjóra Ríkisútvarpsins sendur eftirfarandi tölvupóstur.
Sæll, Ingólfur Bjarni.

Þið hafið svo sannarlega ekki gætt að aðgengi blindra og sjónskertra þegar svokallaður X14 vefur vegna sveitarstjórnakosninga var hannaður. Hvers vegna ekki?

Þá þarf nú að fara krókaleiðir til þess að hlusta á beinar útsendingar rásar eitt og tvö. Slíkt er ekki lengur í boði efst eins og áður var. Leita verður að einhverju sem kallast netútsendingar og ég fannn fyrir tilviljun. Á þetta að vera þannig?

Kveðja,

Arnþór Helgason
Farsími: 8973766


« Síðasta færsla | Næsta færsla »

Athugasemdir

1 Smámynd: Arnþór Helgason

Eftirfarandi skilaboð bárust frá Sigurði Gísla Sigurðssyni hjá Ríkisútvarpinu:

"Sæll Arnþór,

Takk fyrir ábendinguna. Við erum búin að lagfæra þetta svo núna ættir þú

að geta vafrað um kosningarvefinn á sama hátt og um dagskrárvefinn.

Við biðjumst innilegrar afsökunar á þessu."

Kosningavefurinn er hinn fróðlegasti og ætti ekkert að vera því til fyrirstöðu að menn njóti þess sem þar er borið á borð.

Nýmiðlastjóra Ríkisútvarpsins og starfsliði eru þökkuð skjót viðbrögð.

Arnþór Helgason, 27.5.2014 kl. 16:36

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband