Óbótamaðurinn og heiðursmennirnir

Í gær flutti maður nokkur, sem var eitt sinn stjórnmálamaður, ræðu á fundi flokksins síns. Fjallaði hann þar um félaga sína sem hann úthúðaði og sjálfan sig sem hann líkti við Jesúm krist. Sitthvað sagði hann fleira.

Það vakti athygli að hann kaus einungis að fjalla um síðustu ár sín sem framkvæmdastjóra opinbers fyrirtækis og þá staðreynd að lögum var breytt til þess að koma honum úr embætti, eins og hann taldi. Greindi hann frá því að Jesús hefði verið krossfestur og hafður á milli tveggja óbótamanna.

Sjálfur taldi hann sig hafa verið krossfestan á milli tveggja heiðursmanna.

Hefði nú þessi aldni stjórnmálamaður, sem er skáldmæltur eins og nafni hans, sálmaskáld í Biblíunni, hefði hann fremur átt að sækja líkinguna til Lúsífers (ljósberans) sem Guð rak úr Himnaríki. Þar með hefði hann ef til vill komist að kjarna málsins. Þá hefði núverandi forsætisráðherra verið Guð. En sem kunnugt er hefur Lúsífer dregið marga niður í svaðið með sér.

Ef leitað er á Gúgglinu að orðinu Lúsífer kemur upp athyglisverð bloggsíða sem lýsir eðli hans. Þar er m.a. minnst á kænsku, lævísi og jafnvel hefnigirni. En hætt er við að hefndin snúist gegn þeim sem efnir til hennar eins og sendingum galdramana var snúið gegn þeim sjálfum.

Athugasemdir

[Hlédís, 29.3.2009 kl. 16:37]

Góð hugvekja, Arnþór, Takk!

[Gunnar Th. Gunnarsson, 29.3.2009 kl. 16:41]

Þú ert enn einn sem misskilur orð Davíðs. Hann var ekki að bera sig saman eða líkja við Krist. Hann var að bera saman sakamennina sem héngu með Kristi á krossinum og þá tvo strangheiðarlegu menn sem negldir voru með Davíð, honum til samlætis

[Marta Gunnarsdóttir, 29.3.2009 kl. 17:13]

Góður pistill hjá þér Arnþór. Virkilega góð samlíking þarna á ferð.

[Hlédís, 29.3.2009 kl. 17:21]

Gunnar þarf að rifja Biflíuna upp, ef ætlar að hlaupa í öll blogg um ræðu DO ;)  Kristur var krossfestur sem brotamaður.

DO er heldur ekki of vel að sér í fræðunum, ef heldur að María hafi fætt barn í jötu, né að Nýja Testamentinu ljúki með krossfestingu.

[Sigrún Jóna (IP-tala skráð) 29.3.2009 kl. 17:41]

Hlustaðir þú á alla ræðuna, Arnþór?

Eða bara úrdrátt úr henni Í fréttum?

[Gunnar Th. Gunnarsson, 29.3.2009 kl. 19:42]

Hér er ræðan öll: Davíð Oddsson 

[Kristjana V Einarsdottir (IP-tala skráð) 29.3.2009 kl. 20:16]

Arnþór þú ert ruglaður kommakrípi.

[Hlédís, 30.3.2009 kl. 08:44]

"Kommi var'ða heillin!" 

[Börkur Hrólfsson, 30.3.2009 kl. 11:06]

Það er náttúrulega dapurlegt, þegar þjóðskörungar eins og Davíð enda ferill sinn á þenan hátt. Að nota samlíkingar úr biblíunni um örlög sín, sem pólítíkus er eitthvað svo rangt. Sennilega er til hugtak um þetta í geðheilsufræðinni. Vonandi finnur maðurinn einhvern frið, en þetta hlýtur að vera erfitt fyrir fjölskyldu og vini hans.

[Guðmundur Benediktsson (IP-tala skráð) 30.3.2009 kl. 15:28]

http://www.dv.is/brennidepill/2009/2/9/stjornmal-veikindi-og-sjuklegt-staerilaeti/

Hér er fróðleg lesning, kannast einhver við einkennin?

[Gunnar Th. Gunnarsson, 30.3.2009 kl. 22:45]

„Þeir þrjótar sem krossfestu Krist létu tvo óbótamenn sitthvoru megin við hann á krossinum. En þegar verklausa minnihlustastjórnin hengdi þrjótinn Davíð, voru það tveir strangheiðarlegir og vandaðir heiðursmenn, sem fengu grátt að gjalda manninum til samlætis." (Úr ræðu Davíðs, undirstrikun mín)

Myndræn tjáning í ræðu og riti er hluti af menningu okkar og sögu. Biblíusögur eru gjarna notaðar, einnig Íslendingasögur og jafnvel skáldsögur. Ef allir ættu að gjalda þess að nota persónur og atburði úr sögum, þá eru fáir "saklausir".