Ofbeldi býður hættunni heim

Fámenn samtök, sem hyggjast bjarga Íslandi, hafa löngu gengið sér til húðar. Þessi fámenni hópur þekkir ekkert annað en ofbeldi, lögleysu, meiðingar og skrýlslæti.

Agaleysið í íslensku þjóðfélagi hefur verið þannig að slíkum skrýlmennum þykir vegsauki af því að berja lögreglumenn í höfuðið við skyldustörf sín, sletta skyri og málningu á hvað sem fyrir verður og fremja önnur skemmdarverk.

Það er leitt að friðarsinnar og náttúruverndarmenn svo sem Vinir Tíbets og Saving Iceland skuli vera skálkaskjól fyrir ofbeldisfull lítilmenni sem ástunda slíkar aðferðir. Þannig afla þaur sér fyrirlitningar meginþorra þjóðarinnar og vinna gegn upphaflegum markmiðum, nema þaur sigli undir fölsku flaggi og tilgangurinn sé að valda sem mestri eyðileggingu.

Mótmæli við lögreglustöðina

Athugasemdir

[Sigurður Þór Guðjónsson, 7.8.2009 kl. 23:03]

Trúir þú gagnrýnislaust öllu sem lögreglan segir?

[Eyjólfur Jónsson, 8.8.2009 kl. 20:44]

Veit ekki hverjir þessir eru. Ætli það séu ekki þessi venjulegu sem ferðast um Evrópu á kosnað annara í staðinn fyrir að vinna fyrir sér og mótmæla þar sem mest er borgað eða mest fjörið. Þeir og þær eru stundum í "skóla í Frakklandi" um veturinn og lifa þá á öðrum aðvitað. Þetta veit Wolfang.

Wolfang

[Arnþór Helgason, 9.8.2009 kl. 10:12]

Sigurði Þór Guðjónssyni er því til að svara að ég hef aldrei trúað gagnrýnislaust þeimm upplýsingum sem bornar hafa verið á borð hvort sem um er að ræða lögreglu eða ofbeldismenn. En með samanburði við fyrri atburði er ekki ólíklegt að mótmælendur hafi beitt fautaskap. Ef ég set þessa atburði í samhengi við reynslu fjölskyldu minnar hefur því miður borið við að lögreglan hafi beitt fautaskap og er það henni ekki til framdráttar.

Vinir Tíbets koma þannig við þessa sögu að fyrir ári sáu einhverjir úr þeirra hópi ástæðu til að skvetta rauðri málningu á þrep Kínverska sendiráðsins. Slíkar aðgerðir eru vissulega ofbeldisvottur þrátt fyrir að þær hafi ekki haft í för með sér líkamsmeiðingar. Ýmislegt, sem Tíbetvinir höfðust að í aðdraganda Ólympíuleikanna í fyrra var alls ekki málstað þeirra til framdráttar. Það er því miður með þau samtök eins og Saving Iceland-samtökin að þar er einungis einn sannleikur og annað kemst vart að í umræðunni. Þeir, sem birtu skrif sín um aðrar þhliðar málsins, voru úthrópaðir. Engin vitræn samræða var háð. Þessi sömu einstaklingar, sem kalla sig Tíbetvini, eru í raun fórnarlömb einhliða áróðurs vel smurðrar markaðsvélar sem hefur sett Dalaílama í öndvegi. Sjálfur virðist hann skynja þetta þótt hann fái sennilega ekki rönd við reist úr þessu.

[Sigurður Þór Guðjónsson, 14.8.2009 kl. 09:16]

Mér skilst í sambandi við þennan atburð hafi myndband og vitnisburður sjónarvotta leitt í ljós ofbeldi lögreglunnar sem hún neitar auðvitað sjálf. Varðandi fréttir fjölmiðla er gegnumgangandi að þeir taka vitnisburði lögreglu um málsatvik án spurninga og gagnrýni og því hætt við að þær fréttir geti verið hlutdrægar lögreglu í vil.