Næstum því sömu úrslit og árið 1944

Silja Bára Ómarsdóttir hitti sennilega naglann á höfuðið í morgun þegar hún fullyrti að Icesafe-málið hefði sýnt nauðsyn þess að vera með þverpólitískar samninganefndir í þeim málum sem mestu skipta um Íslands hag.

Ólíklegt er að stjórnin segi af sér vegna þessa máls. En Alþingi, stjórn og stjórnarandstaða, þurfa nú að endurmeta starf´saðferðir sínar.

Skilaboðin eru skýr og Hollendingar ásamt Bretum hefðu varla getað fengið afdráttarlausari svör.

Nær allir segja nei

Athugasemdir

[Ólafur Als, 7.3.2010 kl. 11:02]

Þó svo að utanaðkomandi "öfl" hafi komið því til leiðar að þjóðin fengi að afneita kúgun erlendra ríkja og vangetu eigin stjórnvalda til þess að vernda hagsmuni þegna sinna þá er ekki enn útséð um asnastrik stjórnvalda hér. Þó svo að tónninn hafi breyst lítillega þá er enn verið að ræða um að erlend ríki fái sanngjarna niðurstöðu.

Ég vil sanngjarna og góða niðurstöðu fyrir Ísland og að ráðamenn berjist með kjafti og klóm að slíkri niðurstöðu. það er svo í annarra valdi - fulltrúa annarra ríkja - að túlka niðurstöður samninga sér í hag - það geta íslenskir valdamenn ekki gert fyrir þá. Maður óttast að íslenk valdstjórn sjái ekki ljósið í kjölfar þessarar atkvæðagreiðslu.