Nýi tíuþúsundkallinn

Blindratækni er m.a. í því fólgin að gera almenna hluti aðgengilega þeim sem eru blindir. Árið 1975 eða 76 varð snörp senna á milli Blindrafélagsins og Seðlabankans, þegar upplýst var að nýju seðlarnir, sem þá voru í undirbúningi, yrðu allir jafnlangir. Það tókst að fá almenningsálitið í lið með okkur og frá þessu var horfið. Aðalgjaldkeri bankans sagði síðar að hann botnaði ekkert í því hvernig mönnum hefði dottið annað eins í hug. Veit nokkur hvort einhver mismunur er á stærð nýja 10.000 kr seðilsins og 5.000 kr seðilsins?

Athugasemdir

[Arnþór Helgason, 27.9.2013 kl. 16:21]

Kristinn Halldór Einarsson, formaður Blindrafélagsins, sendi eftirfarandi athugasemd og eru honum færðar bestu þakkir.

Nýi 10 þúsund króna seðilinn er lengri en 5000 króna seðilinn og er auk þess auðþekkjanlegur með upphleyptu merki og sérstakri áferð á einum stað sem er auðþekkjanlegt mep snertingu..