Hvers konar hnífur?

Hvers konar hnífi geta menn brugðið um háls væntanlegs fórnarlambs?

Ég hef heyrt að menn bregði snöru um háls fólks og hnífum sé brugðið að hálsi manna.

Leiðrétti mig einhver fari ég með rangt mál. Ég er enn þeirrar skoðunar að mbl.is sé besti fréttavefur landsins en málfarið er stundum skondið.

Athugasemdir

[Margret Rósa (IP-tala skráð) 13.4.2008 kl. 17:35]

Sæll frændi minn Arnþór.

Góð þessi athugasemd þín um hnífinn.

Mér datt í hug að leita að þér á netinu og auðvitað fann ég þig þar.  Þannig er mál með vexti að pabbi var að biðja mig að senda sér vísurnar sem hann "Gísli aumi" orti til Margrétar ömmu í Skuld. Ég held að þær byrji svona "Margrét heitir mærin svinn, mjög svo prúð og nettvaxin. Ég á þetta skrifað einhversstaðar en þar sem ég er ekki mjög skipulögð, veit ég ekkert hvar ég hef potað stílabókinni sem ég skrifaði vísurnar í. Það var við eldhúsborðið í Skuld, þegar ég var ung að árum, svo það er óralangt síðan.

Ef að þú hefur vísurnar við hendina og nennir að senda mér þær væri ég þakklát.

Hvernig hefur þú það annars frændi minn? Ég hef ekkert heyrt í þér í útvarpinu lengi. Það er miðill þar sem mér finnst að þú ættir að láta ljós þitt skína, eins vel máli farinn og þú ert og með fallega útvarpsrödd.

Ég sendi þér og Elínu bestu kveðjur frá Luxemborg.

Þín frænka,

Magga Rósa.

P.s. Mikið eru lögin þín falleg, sem eru á tónlistarspilaranum!