Sjómannadagurinn innandyra í Reykjavík

Við Elín fórum niður að höfn á sjómannadaginn og í fylgd okkar voru Hringur og Birgir Þór Árnasynir. Við Hringur sprönguðum um ´meðan Elín amma gætti litla snáðans. Hringur tók svo við og gætti bróður síns sem fjöreggs. Auðvitað var farið í siglingu með Sæbjörginni. Birgir Þór átt erfitt með að muna að skipið héti ekki Herjólfur og hét því Sæbjörginn annaðhvort Eyjólfur eða Sæbjörg Eyjólfsdóttir.

Ég hitti við hátíðarhöldin minn gamla félaga og vin, Jóhann Pál Símonarson, sjómann til margra ára og baráttujaxl fyrir öryggi sjómannastéttarinnar. Hafði hann verið viðstaddur ræðurnar á Listasafni Reykjavíkur, sem fluttar voru í tilefni sjómannadagsins. Þótti honum lítið til koma að flytja hátíðarhöldin inn í hús.

Ég tek undir þessa skoðun Jóhanns Páls. Það dró einhvern veginn úr stemmningunni að heyra ekki ávæning af ræðunum á meðan sprangað var um hafnarsvæðið. Ef til vill er þetta tímanna tákn því að fæstir þeirra, sem fluttu ávörp á sjómannadaginn, hafa migið í saltan sjó. Það held ég að sé a.m.k. sameiginlegt mér og mínum góða vin og skólabróður, formanni stjórnar Faxaflóahafna.

Athugasemdir

[Jóhann Páll Símonarson, 3.6.2008 kl. 14:51]

Heill og sæll Arnþór Helgason.

Ég tek undir með þér að vera með þessi hátíðarhöld innandyra. það var ágætisveður og ekkert tilefni að færa ræðuhöldin inn. Þarna var mög fámennur hópur manna sem var að fylgjast með. Ræðuhöldinn voru illa kynnt og margir sneru við aftur og hugsuðu eru þessi ræðuhöld haldin í húsi útí bæ. Ég tel þetta fyrirkomulag ekki vera til sóma fyrir sjómannastéttina.

Ég spurði sjálfur til vega, þá sagði einn viðmælandi hafa menn ekki lesið blöðin skrýtið svar. Þar sem ræðuhöldin voru þar voru ekki einu sinni merkingar að ræðuhöld væru á þessum stað. Meira að segja gamall vinufélagi minn til fjölda ára, sem ég heilsaði hann var eins og ég ráðvilltur, að leita af ræðu höldum sem fundust að lokum eftir að hafa leitað lengi.

Þegar ég var á leið heim þá komu til mín amma og dóttir hennar sem var með barn sitt að leita af leiktækjum eins og á laugardeginum, þau voru hundfúl yfir þessum ákvörðunum, stjórnenda hátíðarinnar. Að minka þessi leiktækjaafnot fyrir börnin okkar það boðar ekki gott fyrir framtíðina.

Ég verð að segja mér fannst þessi skemmti sigling með  Sæbjörginni gefast vel og stendur uppúr af þessu öllu eins var laugardagurinn mjög góður mikill aðsókn barna og foreldra. Hins vegar fannst mér sjálfur Sjómannadagurinn og hátíðin vera algjörlega mislukkuð. Varðandi hverjir tala á Sjómannadaginn er ákvörðun sjómannadagsráðs og aðildarfélaga þess sem taka þessa ákvörðun. það er þeim að kenna hvernig er komið fyrir þessum sjómannadegi. Þau vilja ekki hvern sem er og  getur sagt meiningu sína.

Jóhann Páll Símonarson.