Tungumálanámskeið duga ekki til

Íslenskir ráðamenn, sem tala erlend mál illa, eiga að nota túlka. Það er mun ódýrara en stutt tungumálanámskeið. Mannasiðir eru síðan annar hlutur.

Fræg er sagan um túlk Deng Xiaoping sem heyrði athugasemd Margrétar Thatchers sem sagði að Deng væri eins og uppþornuð múmía.

Hann þýddi þetta auðvitað og Deng svaraði því til að Margrét liti út eins og gömul ugla. Og það þýddi túlkur Margrétar fyrir hana.

Guðni Guðmundsson, rektor Menntaskólans í Reykjavík, ræddi eitt sinn um þann vanda sem ákveðinn ráðherra, íslenskur, hefði átt í vegna erlendra tungumála. Taldi hann honum það til gildis að hann skyldi ráða sér túlk.

Kannski ástandið væri betra ef Davíð hefði látið túlk tala fyrir sig á Bloomberg.

Vill senda ráðamenn á tungumálanámskeið

Athugasemdir

[Steinmar Gunnarsson, 20.10.2008 kl. 16:20]

Það er öryggisatriði að hafa túlka fyrir þessa starfsmenn okkar, svo ekkert misskiljist. Stundum þegar ég hef hlustað á suma ráðamenn tala erlend tungumál, sem ég skil og nota sjálfur, hef ég ansi oft fengið aumingja hroll þegar ég heyri framburð og orðanotkun aumingja fólksins.

Þetta með mannasiðina er eitthvað sem kannski erfiðara viðfangs, nema að menn hafi siðameistara á sínum snærum. Það er kannski ekki nóg. 

[Dísa (IP-tala skráð) 20.10.2008 kl. 16:57]

miðað við framkomu eins ráðherrans (hann á brúnan leðurjakka) í sjónvarpinu í gær, væri tungumálanámskeið út úr kú, en námskeið í almennum mannasiðum við hæfi. Hroki og yfirgangur gengur ekki þegar mál eru svo alvarleg ,sem þau eru á skerinu þessa dagana.