Hver trúir forsætisráðherra framar?

Í fréttum Ríkisútvarpsins hefur verið greint frá því að eitt af skilyrðum Alþjóða gjaldeyrissjóðsins sé að halla á ríkissjóði verði snúið til hins betra eigi síðar en árið 2012.

Forsætisráðherra hefur klifað á því að ekki megi greina frá einstökum liðum samkomulagsins og efnahagsáætlun ríkisstjórnarinnar er leyndarmál. Samt vitum við nú hvernig 19. liður samkomulagsins hljóðar: Stýrivestir verði 18%. Og nú er það hallinn á ríkissjóði.

Að mér læðist sá illi grunur að ríkisstjórnin viti að ekkert verði af þessu láni sjóðsins og þess vegna verði ýmislegt látið seytla fram sem eigi að skýra þá afarkosti sem við höfum staðið frammi fyrir.

Hvernig væri nú að Sjálfstæðisflokkur og Samfylking ákvæðu að fara að segja þjóðinni satt?

Því lengur sem það dregst þeim mun grimmilegri verða pólitísk örlög núverandi valdhafa.

Athugasemdir

[Hólmdís Hjartardóttir, 9.11.2008 kl. 17:06]

þú veist að okkur kemur þetta ekkert við