Pukrið er hættulegt

Vafalaust er nú mörgum þannig farið að þeir sveiflast eins og pendúll í afstöðunni til Ice-save-samninganna. Þvílík ólíkindi hafa komið fram að undanförnu að niðurstaða fæst aldrei nema leynd verði aflétt. Því verður ekki trúað að ríkisstjórnin hyggist koma samningunum gegnum Alþingi án þess að öll gögn hafi verið lögð fram.

Á morgunvakt Ríkisútvarpsins var fjallað um Ice-save-málið í morgun. Voru athyglisverð sjónarmið Guðfríðar Lilju Grétarsdóttur, þingmanns Vinstri-grænna, þar sem hún benti á að kúgun skilaði aldrei árangri. Hógvær málflutningur hennar bar af. Mættu fleiri þingmenn temja sér þá yfirvegun sem hún býr yfir. Þá skilaði þinginu sjálfsagt hraðar í áttina að lausn þess vanda sem við er að stríða og enginn veit hvernig leysa skal.

Athugasemdir

[Eygló, 19.6.2009 kl. 00:24]

Já, GLG vinnur á með hverri ræðu, sjónvarpsþætti og slíku

[Guðrún María Óskarsdóttir., 19.6.2009 kl. 00:59]

Sæll.

Því miður ber þetta pukur með sér hinn íslenska loddarahátt í stjórnmálum sem hér hefur viðgengist þegjandi og hljóðalaust í áraraðir og það atriði að við Íslendingar séum hugsanlega að semja yfir okkur ánáuð til þess eins að ganga síðan í Evrópusambandið að vilja hluta ríkisstjórnar með það hið sama flokkspólítíska markmið er enn ein vitleysan.

kv.Guðrún María.