Jákvæð ríkisstjórnarvísa

Er ekki rétt að reyna að hnoða saman einhverju um ríkisstjórnina?

Ríkisstjórnin, rösk og góð,

ryður mörgum færar brautir.

Jóhanna er jákvæð, fróð,

jöfnuð eykur, linar þrautir.

Kínverjar undirbúa þróun risaþotu

Dagblað Alþýðunnar birtir í gær viðtal við Wan Gang, ráðherra tækni og vísinda í Kína. Þar kemur fram að sú tækni, sem þarf til þess að geta hannað og smíða risaþotur, sem uppfylla alþjóðlega gæðastaðla, sé til marks um á hvaða stigiþjóðir séu. Ráðherrann segir að nú sé hafinn undirbúningur að þróun slíkra þotna í Kína og sé það einungis eðlilegur hluti þess starfs sem unnið er að til þess að auka tækniþekkingu Kínverja á öllum sviðum. Ráðherrann lýsir því síðan í viðtalinu hvernig að málum verði staðið. Þegar hafa verið stofnaðir hópar tækni- og vísindamanna til þess að undirbúa verkið. Síðar verða lög að þróun einstakra hluta og framleiðsluferlið undirbúið.

Ráða má af greininni að Kínverjar hyggist hasla sér völl á þessu sviði og segir Wan Gang að það sé einungis eðlilegt framhald af vaxandi sjálfstæði og þekkingu Kínverja á öllum sviðum.

Mjólkurísinn frá holtseli

Í morgunblaðinu birtist í dag grein um fullvinnslu afurða á íslenskum býlum. Var þar m.a. minnst á ísinn frá Holtseli í eyjafjarðarsveit sem gert hefur garðinn frægan.

Á heimasíðunnni http://holtsel.is eru upplýsingar um gögn og gæði búsins. Þar kemur fram að framleiddar séu u.þ.b. 40 tegundir af ´ís, bæði krapa og mjólkurís samkvæmt hollenskri uppskrift. Sérstaklega var vakin athygli á ís handa sykursjúkum.

Sameinuð stöndum vér!

Tímamót urðu í dag þegar fyrsta raunverulega félagshyggjustjórnin var mynduð frá árinu 1927. Stjórnarinnar bíða geigvænlega erfið verkefni. Nú reynir á hvort Alþingi ber gæfu til að ná samstöðu um þær ráðstafanir sem óhjákvæmilegt er að grípa til.

Búast má við að allir verði að færa fórnir, jafnvel þeir sem verst eru settir. Þó má búast við að fórnir þeirra verði minni en orðið hefði undir stjórn Sjálfstæðisflokksins.