Vítaverð vinnubrögð forseta bæjarstjórnar

Það er greinilegt að fulltrúi VG í bæjarstjórn Mosfellsbæjar er engu meiri lýðræðissinni en verstu einveldissinnarnir í Sjálfstæðisflokknum, enda skammt öfganna á milli.

Fundir bæjarstjórna eru haldnir í heyrandahljóði og því vafasamt að heimilt sé að koma í veg fyrir að þeir séu hljóðritaðir. Árið 1986 urðu miklar deilur milli félagsmálaráðs Seltjarnarness og bæjarstjórnar vegna hækkunar leikskólagjalda. Óskaði undirritaður eftir að fá að hljóðrita umræður um málið á bæjarstjórnarfundi og veitti varaforseti bæjarstjórnar, Guðrún Katrín Þorbergsdóttir, fúslega leyfið. Ekki hafði náðst í forseta bæjarstjórnar.

Þegar sást að mundaður var hljóðnemi á fundinum gerði forseti bæjarstjórnar hé á fundi og spurði beint hvort Arnþór Helgason væri að hljóðrita fundinn og var því svarað játandi.

Héldu svo umræður áfram en eitthvert fum varð á bæjarstjórnarforsetanum. Að lokum gerði han að nýju hlé á fundinum og vísaði Arnþóri Helgasyni af fundi, léti hann ekki af því að hljóðrita. Slökkti hann á hljóðritanum og hélt á dyr. Nokkurt hark varð vegna þessa máls.

Í framhaldi þessa máls kærði ég fraferði forsetans fyrir félagsmálaráðuneytinu og var kveðinn upp úrskurður þess efnis að óheimilt væri að meina fólki hljóðritanir á fundum.

Íbúahreyfing Mosfellsbæjar a hiklaust að kæra framferði forseta bæjarstjóra Mosfellsbæjar og þeir, sem unna lýðræðinu í Mosfellsbæ og víðar, ættu e.t.v. að hugsa sig um tvisvar áður en VG fær atkvæði þeirra í næstu kosningum.

Íbúahreyfingin harmar vinnubrögð meirihlutans

Athugasemdir

[Ólafur Ragnarsson (IP-tala skráð) 1.7.2010 kl. 19:32]

Takk fyrir þennan fróðlega pistil og ábendingar Arnþór, það er merkilegt að heyra að til er úrskurður um heimild til hljóðritunar opins bæjarstjórnarfundar !

Átt þú til afrit af úrskurðinum ?

[Arnþór Helgason, 1.7.2010 kl. 22:07]

Sæll, Ólafur. Vafalítið á ég afrit úrskurðarins í gögnum, en þau er því miður ekki aðgengileg sem stendur. Þetta mun hafa verið á tímabilinu ágúst-október 1986 og ætti úrskurðurinn að vera til hjá bæjarstjórn Seltjarnarness. Forseti bæjarstjórnar Seltjarnarness minnir mig að hafi sagt að úrskurðurinn væri ómarktækur þar sem hann hefði verið kveðinn upp á pólitískum forsendum. Það urðu snarpar umræður um þessi mál á síðum Morgunblaðsins. Eitt er víst: opinn fundur sem haldinn er í heyranda hljóði er þess eðlis að óeðlilegt er að menn hljóðriti ekki í salnum. Sumir vilja nota hljóðrit sér til minnis o.s.frv. Bylgjan bað mig um afit hljóðritsins af bæjarstjórnarfundinum á Seltjarnarnesi, en ég lét það ekki af hendi því að þetta voru fyrst og fremst vinnugögn mín og þáverandi formanns félagsmálaráðs, Guðjóns Margeirssonar, sem þá var í Sjálfstæðisflokknum. Þar að auki voru hljómgæðin svo léleg að hljóðritið hefði gert lítið gagn í útvarpi.

[Sigurður Ingi Jónsson, 2.7.2010 kl. 10:59]

Votta hér með stuðning minn við framtak þitt.