Íslenskir bókstafir bannaðir í skipanöfnum!

Ólyginn sagði tíðindamanni þessarar síðu nú í kvöld, að eiganda Aðalbjarganna, sem gerðar eru út frá Reykjavík, hafi fyrir skömmu borist bréf frá Siglingastofnun þar sem þess var óskað að nöfnum skipanna yrrði breytt, enda séu hvorki Ð né Ö alþjóðlegir stafir. Það fylgdi sögunni að eigandinn hafi brugðist ókvæða við og spurt hvort hið sama ætti við um rússnesk skip. Fátt varð um svör, eftir því sem sagt var.

Athugasemdir

[Sindri Karl Sigurðsson, 2.2.2012 kl. 00:13]

Er þetta ekki bara í ætt við annað sem er í gangi í stjórnsýslunni. Allt sér íslenskt skal þurrka út og það með hraði.

Í framhaldi að þessu sem þú ert að minnast á þá má geta þess að það verður ekki á boðstólnum morgurnkorn frá General Mills eftir skamma hríð. Allt Cheerios og Puffs keypt inn af Nestle þessa dagana, amerískt morgunkorn sem framleitt er í EU skv. þeirra stöðlum. Það er ekkert verið að bíða með að setja okkur inn í EU, við skulum fara þangað með góðu eða illu.

[Ólafur Björn Ólafsson, 2.2.2012 kl. 08:35]

Hvað gerir Landhelgisgæslan þá???

Þór, Ægir, Týr...

Nöfn með séríslenskum bókstöfum, kemur þá kanski í veg fyrir að sum gömlu nöfnin verði tekin upp aftur hjá þeim.

Siglingastofnun þarrf að átta sig á því að við erum Íslensk þjóð með okkar stafróf og tungumál. Við eigum ekki að beygja okkur undir eitthvað alræðisvald sem er "yfirþjóðlegt".

Með kveðju

[Egill H Bjarnason (IP-tala skráð) 2.2.2012 kl. 12:11]

"Ólyginn sagði mér". Voru þetta ekki yfirleitt upphafsorð Gróu á Leiti?

[Quinteiras (IP-tala skráð) 2.2.2012 kl. 17:50]

Áður en allir fara á límingum út af þessu þá held ég að ástæðan sé sú, að nú er verið að taka upp alþjóðlegt, sjálfvirkt staðsetningarkerfi fyrir skip, kallað AIS, sem veitir gríðarlegt öryggi fyrir sjófarendur, því þá er ætíð hægt að sjá hvar hver fleyta er. Þetta kerfi gerir hinsvegar ekki ráð fyrir öðru en enska stafrófinu. Ef farið væri að eltast við allar sérviskur í ritun nafna um allan heim, yrði það til þess að gera þetta kerfi óstarfhæft.

[Ólafur Björn Ólafsson, 2.2.2012 kl. 19:19]

Þó mun það vera óþarfi að breyta öllum nöfnum sem hafa séríslenska bókstafi til að hlotnast hinum háu herrum. Það ætti að vera nóg að breyta nöfnunum í tölvukerfum sem eru víst jafngáfuð og mennirnir sem bjuggu þau til.

Kveðja sem fyr

Kaldi

[Anna Sigríður Guðmundsdóttir, 2.2.2012 kl. 21:05]

Hvers vegna segir RÚV ekki frá þessu, svo óábyrgar Gróusögur fari ekki á ógnarhraða með súðum á heimilum landsmanna, sem eru skyldaðir til að horfa og hlusta á "sannleiks"-fréttastofu RÚV?

M.b.kv.