Gamli refurinn kom á óvart

Það var snjallt hjá John McCain að fá Söru Palin til að verða varaforsetaefni sitt og eykur enn líkurnar á harðri keppni millum þeira Obama.

Mér finnst Sara ekki hafa skemmtilegan málróm en hlýt að viðurkenna að hún flutti klókindalega ræðu. Þar hrósaði hún m.a. Hillary Clinton fyrir einbeitta baráttu sína enda segir sagan að sumir stuðningsmenn hennar ætli að snúa sér frá demókrötum til repúblikana.

Þetta fer að verða skemmtilegt. Jón fær sér unga konu eða tiltölulega unga sem sögð er vera heiðarleg og frjálslynd. Ætli hún kunni að vinna styrjaldir? Eins og við vitum kann Jón að tapa þeim.Sara er dreki og það er gæfumerki.

Barack burðast hins vegar með gamalreyndan stjórnmálamann sem einhver sagði um daginn að líktist um of haukunum sem nú ráða ríkjum í Hvíta húsinu.

Ekki ætla ég að spá um úrslitin, enda skortir mig næga þekkingu til þess.

Hver er Sarah Palin?

Athugasemdir

[Davíð Kristjánsson (IP-tala skráð) 30.8.2008 kl. 03:32]

En? Málrómurinn segir það sem segja þarf.

Hvorn vilt þú, sem forseta bananaríkisins U.S.A., Obama eða McCain?

Ég segi strákinn með fersku hugmyndirnar.

Kveðja frá Selfossi.

[Emil (IP-tala skráð) 30.8.2008 kl. 17:41]

Er Sara orðin frjálslynd á Íslandi. Hér vestra er henni hælt fyrir íhaldssemi einkum á þeimsviðum þar sem Jón bóndi hefur verið frjálslyndur. Þannit er hún áhugamaur um vopnaburð og styður svartasta afturhaldið í Félagi skotvopnaeigenda, þeirra sem halda því fram að byssur drepi ekki heldur fólk. Hún er á móti fóstureyðingum, annað dæmi um íhaldssemi hér vestra. Hér þætti það saga til næsta bæjar að kalla hana frjálslynda en hún kann að vera sjálfstæð og fer ekki troðnar slóðir í eigin flokki fremur en Jón karlinEr Sara orðin frjálslynd á Íslandi. Hér vestra er henni hælt fyrir íhaldssemi einkum á þeims viðum þar sem Jón bóndi hefur þótt frjálslyndur. Þannig er hún áhugamaur um vopnaburð og styður svartasta afturhaldið í Félagi skotvopnaeigenda, þeirra sem halda því fram að byssur drepi ekki heldur fólk. Hún er á móti fóstureyðingum, annað dæmi um íhaldssemi hér vestra. Hér þætti það saga til næsta bæjar að kalla hana frjálslynda en hún kann að vera sjálfstæð og fer ekki troðnar slóðir í eigin flokki fremur en Jón karlinn. Hún er einkum talin höfða til þeirra sem vilja fá að kaupa og selja skotvopn, berjast gegn fóstureyðingum og þeirra sem eru svo guðhræddir að það eitt skipti máli að menn segist vera fæddir að nýju. Þessi hópur er kjarni afturhaldsins í íhaldsflokknum og hefur komið syni fyrrum forseta Bandaríkjanna í Hvítahúsið í tvígang.