Oft er þörf en nú er nauðsyn

Stöndum vörð um Ríkisútvarpið!
Ég hef heyrt frá ýmsum starfsmönnum Ríkisútvarpsins að í bígerð sé að skerða hlut þess á auglýsingamarkaði og þrengja að stofnuninni á ýmsa vegu. Þetta hefur verið ljóst allar götur síðan Sjálfstæðisflokurinn náði undirtökum í menntamálum.
Á erfiðleikatímum gegnir almannafyrirtæki eins og Ríkisútvarpið meira hlutverki en nokkru sinni fyrr. Því ber að efla starfsemi þess.
Skoði menn nú hvers konar frálsir ljósvakamiðlar hafa verið byggðir upp hér á landi. Ætli ríkisútvarpið sé ekki einna frjálslyndast og víðsýnast þeirra allra.

RÚV af auglýsingamarkaði

Athugasemdir

[Guðbjartut Ástþórsson (IP-tala skráð) 28.11.2008 kl. 14:18]

Sammála,eg vil mínar auglisyngar og engar refjar.

[Ásgrímur Hartmannsson, 28.11.2008 kl. 17:06]

Þeir gætu til dæmis leigt út eitthvað af þessu risa húsnæði sínu.  hefur þú komið þarna inn?  Merkilegur andskoti, þetta hús.  Ég hef aldrei séð jafn þaul-læst hús.  Hélt ég væri að fara inn í bankahvelfingu.

[Herbert Guðmundsson, 28.11.2008 kl. 18:05]

Sæll Arnþór!

Hvernig tengir þú Sjálfstæðisflokkinn sérstaklega við að standa fyrir andþrengslum RÚV?

Er ekki hlutverkið umdeilt almennt?

Hefurðu ekki fylgst með þeim athugasemdum sem komið hafa frá eftirlitsstofnunum sem við eigum aðild að?

Er ekki einmitt verið að bregðast við þeim núna?

Og loks: Af hverju ætti Sjálfstæðisflokkurinn að leggja sig í að rústa RÚV, stofnun sem æði margir telja að flokkurinn nýti sér og njóti góðs af?

Með kveðju, Herbert Guðmundsson fv. ýmislegt, núv. ellism.

[Olgeir Engilbertsson (IP-tala skráð) 28.11.2008 kl. 18:15]

Mikið sammála Arnþóri.Það er ekki gæfulegt að brytja niður og veikja RUV til þess að hlaða undir græðgisvæðingarliðið sem allt vill gleypa. Mér væri reyndar nokkuð sama um Rás 2,en Rás 1 má ekki skerða. Ég held samt að ungt tónlistarfólk fái samt sína bestu kynningu á Rás 2. Hvers á fólk að gjalda í dreyfbýlinu þar sem einkastöðvarnar nást jafnvel ekki ef allar auglýsingar verða aflagðar í stöðvum RUV. Þó að mikið af auglýsingum sé nánast óþolandi þá má nú eitthvað á milli vera.  Kannski verður þetta svipað og stundum skeði að menn stálu bestu hlutunum úr bílum og náðu svo að kaupa hræið fyrir slikk .

[Arnþór Helgason, 28.11.2008 kl. 20:27]

Ég þakka athugasemdirnar við þessa færslu.

Því er til að svara að ég þekki allvel til Ríkisútvarpsins og hef meira og minna verið með þætti þar í 35 ár.

Herberti mínum Guðmundssyni, ísmeistara, sem framleiddi eitt sinn besta ís á Íslandi, bendi ég á að Ríkisútvarpið hefur of lengi verið undir járnhæl tveggja flokka, Sjálfstæðis- og Framsóknarflokks. Afskipti Sjálfstæðisflokksins voru þó verri að því leyti til að flokkurinn gætti ævinlega hagsmuna flokksins og var tortrygginn á allt sem hugsanlega gat talist áróður gegn íhaldinu. Þurftu margir að sæta afarkostum vegna þess. Má þar nefna menn eins og Magnús Torfa Ólafsson og Ólaf Ragnar Grímsson. Þá var frægt þegar Sjálfstæðisflokkurinn stóð að því árið 1974 að skipta um meirihluta í útvarpsráði þótt skipunartími þess væri ekki liðinn. Fleira gæti ég nefnt.

Eftir að umræðan hófst um stofnun svokallaðra frjálsra útvarpsstöðva var sem gerningaveður færi af stað gegn Ríkisútvarpinu og fóru þar Sjálfstæðismenn fremstir í flokki. Skoðun mín er sú og það skal áréttað að hún er byggð á rökum, að flokkurinn hefur stundum haldið stofnuninni í greip sinni eins og maður fugli sem hann hefur hremmt. Samstarfsflokkar Sjálfstæðisflokksins í ríkisstjórn hafa ævinlega gefið undan í þessum efnum.

Árið 1983 ef ég man rétt hitti ég Vilhjálm Hjálmarsson sem sagðist hafa látið undan kröfum um aukið frjálsræði í útvarpsmálum en þá hafði verið samið nýtt frumvarp. "Ég held að þar hafi ég skitið í bólið mitt," sagði Vilhjálmur.