Skrýlslæti á Alþingi

Í skoðanakönnunum hefur komið í ljós að meirihluti landsmanna telur mótmælafundina sem haldnir hafa verið á Austurvelli og víðar endurspegla skoðun meirihluta þjóðarinnar.

Í sömu könnun kemur fram að minnihluti Sjálfstæðismanna er annarrar skoðunar. Rétt er að vekja athygli á að sjálfstæðismönnum fer nú fækkandi að því er virðist.

Skrýlslætin á Alþingi í dag varpa bletti á heiður þeirra sem berjast fyrir breytingum. Ofbeldi þjónar engum tilgangi.

Athugasemdir

[Stríða (IP-tala skráð) 9.12.2008 kl. 09:00]

Æi, það væri svo gaman ef allir væri heima í sófanum að blogga eins og þú. Þá væru öll dýrin vinir og engin óþægindi. Frú kreppa mun hrynja yfir þig og sófinn mun vonandi styðja þig.

[Hörður B Hjartarson, 9.12.2008 kl. 11:54]

Gott þetta með sóffann. Engin, eða nánast engin kreppa í Eyjum, kannski góður sóffi þar.

[Kristján Logason, 9.12.2008 kl. 13:19]

Vantar sönnun þess að ofeldi hafi verið beitt.

Skríllin sem þú talar um eru börnin sem erfa munu landið og skuldirnar

þau hafa rétt til að mótmæla því óréttlæti sem við erum eitt með öllum tiltækum ráðum

Langar þig til að borga hinn óútfyllta víxil sem þér er réttur?

[Emil (IP-tala skráð) 9.12.2008 kl. 15:33]

Það er mikið tekið upp í sig í þessum athugasemdum og fyrirsögn greinarinnar.

Sjaldan veldur einn þá tveir deila. Í áranna rás hef ég séð allt of oft viðbrögð stjórnvalda (lögreglu) leiða til leiðinda. Þeir haga sér þannig að þeir æsa upp ólukku innri mann margra. Þannig sýnist mér að Skrílsláta hugtakið eigi ekki að nota eingöngu um mótmælendur. Stjórnvöld á öllum stigum eru að ýta þjóðfélaginu út í ófyrirsjáanleg átök með mánaðalöngu stefnu- og getuleysi. Auðvitað hefði það verið unglingum betra að láta ekki þingvörð (voru á árum áður háaldraðir menn sem varla standa í miklum stimpingum) og lögreglumenn æsa sig, en svo má dengja deigt járn að bíti. Nýlegt dæmir frá Aþenu bendir til þess að taugaveiklaðir lögreglumenn hafi unnið þar ódæði á "skrílnum".

Haddih og Stríða fylgjast sjálfsagt lítið með og hafa fylgst lítið með undanfarna áratugi. Arnþór hefur verið í framvarðasveit þeirra sem barist hafa gegn misrétti í samfélaginu. Hann hefur verið ómyrkur í máli við andstæðinga sína sem samherja. Hann var í forsvari fyrir Öryrkjabandalagi Íslands um langan aldur og leiddi málsókn bandalagsins sem varð til þess að ríkisstjórn Davíðs og Dóra tapaði nokkrum sinnum í Hæstarétti. Sjálfsagt hafa landsfeður hugsað honum hefnd og náðu henni er þeim tókst að koma í forystu veiklunda manni er tók það sér fyrir hendur með fulltingi annar aumra samstarfsmanna í stjórn Öryrkjabandalagsins að reka Arnþór úr starfi fyrir engar sakir. Hann hefur vegna þessa búið við félagslega og efnahagslega kreppu í nærri þrjú ár. Skömm sé stjórnum Öryrkjabandalagsins fyrir framkomu þeirra í garð öryrkja. Þar hefur ekkert breyst þótt sá veiklundaði hafi hröklast burt. Enn treysta þeir ekki öryrkjum fyrir framkvæmdastjórn samtaka sinna. Og hann býr ekki í Eyjum heldur á Stór-Seltjarnarnessvæðinu og hefur gert svo í áratugi.

Hefðu fleiri látið eftir sér að sporna gegn yfirgangi svokallaðra frjálshyggju er hún lagði af stað í eyðileggingu félagsmála og síðar fjármála væri margt betra í landi voru en nú er. En þá voru menn eins og Arnþór kallaðir nöldrarar og ósanngjarnir.

Áfram Arnþór, en farðu varlega í stóryrðin um mótmælendur.

[Árni Gunnarsson, 9.12.2008 kl. 15:59]

Sjáið´ekki veisluna piltar?

Þeim virðist fara fækkandi sem koma auga á veisluna.

Reyndar hefur komið í ljós að það gleymdist að bjóða einhverjum í veisluna.