Athugasemdir við bloggfærslur

Yfirleitt eru athugasemdir við bloggfærslur á þessum síðum málefnalegar. Þó kemur fyrir að menn noti þvílík gífuryrði að ég sem ritstjóri síðunnar og ábyrgðarmaður uni þeim ekki. flestir sem þannig haga sér koma yfirleitt fram undir dulnefnum.

Því hef ég ákveðið að hér eftir verði athugasemdir einungis birtar eftir að ég hef lesið þær. Ekki verður amast við hvers kyns gagnrýni en klámfengið eða sóðalegt orðbragð verður ekki látið sjást.

Athugasemdir

[DoctorE (IP-tala skráð) 9.1.2009 kl. 12:30]

Þannig að þú ætlar að leggjast í ritskoðun.... og birtir því varla þessa athugasemd, eða hvað

[Flosi Kristjánsson, 9.1.2009 kl. 15:12]

Það er fallega gert, einkum gagnvart fólki sem í hugaræsingi augnabliksins, lætur gossa eitt og annað sem væri betur ósagt, og sem það sjálft, við nánari umhugsun, teldi ótækt.