Þeir sem fara halloka

Í mannlegu eðli felst að þeim sárnar sem fara halloka. Fréttir frá Alþingi undanfarið sýna svo að ekki verður um villst að sumir þingmenn Sjálfstæðisflokksins gera það sem þeir geta til að halda uppi einskis nýtu málþófi um mál sem skipta engu máli. Þannig er tafið fyrir endurreisn þjóðfélagsins sem flokkurinn kom öðrum fremur á kaldan klakann. Hegðun sumra þingmanna minnir illilega á gagnrýni Daviðs Oddssonar skömmu eftir að hann varð þingmaður, þegar hann líkti þingheimi við gagnfræðaskólabekk.

Þó að forseti vor sé málglaður og sjáist ekki ævinlega fyrir voru þó afskipti hans af stjórnarmyndun eðlileg. Slík afskipti hafa allir forsetar haft. Vitað var að aðrir flokkar en Sjálfstæðisfokkurinn fengjust ekki í þjóðstjórn. Hvers vegna átti þá að eyða tíma til að ræða hana? Hvers vegna þolir Sjálfstæðisflokkurinn svona illa að farið sé að stjórnarskrá landsins? Ráðherrar geta ekki hrifsað til sín stjórnarskárbundin völd forsetans. Þetta á bæði við um síðustu stjórnarmyndun og fjölmiðlafrumvarpið sálaða.

Segir afskipti forsetans af stjórnarmyndum opinbert leyndarmál

Athugasemdir

[Stefán Örn Valdimarsson (IP-tala skráð) 12.2.2009 kl. 15:03]

Sjálfstæðismenn með málþóf? Nú hlýtur þú að vera að grínast. Fóru árin sem samfylking og vinstri grænir voru í stjórnarandstöðu framhjá þér. Nei Arnþór, sjálfstæðismenn eru ekki með málþóf. Spólaðu til baka og þá sérð þú málþóf.

[Jón Sigurðsson, 12.2.2009 kl. 15:58]

Flokksmenn í búsáhaldadeild Vg töfðu nú þingstörf á sínum tíma og töfðu rækilega fyrir endurreisn samfélagsins. Hræðslan við búsáhaldadeildina var svo mikil í röðum Samfylkingar að leiddi til stjórnaslita sem líka hefur tafið rækilega fyrir endurreisn samfélagsins. Einelti vinstri manna við Davíð Oddson hafa glapið mönnum svo sýn að það tefur fyrir endurreisn samfélagsins. Ég held að Jóhanna og hennar fylgismenn ættu að bretta upp ermarnar og fara að "einhenda sér" í úrlausn mála, þeirra er valdið. Ekki ætti ákvarðanafælni að tefja fyrir.  Forseti vor er svo upptekinn af sjálfum sér að það hefur stórlega tafið fyrir endurreisn samfélagsins. Svona gæti ég lengi haldið áfram. Valdið er vinstri manna í dag hvar má finna fyrir "hlýjum" andardrætti framsóknarmanna niður um hálsmálið. Já einhendið ykkur í verkin og verið ekki stöðugt að kenna öðrum um því það gæti leitt til stofnun búsáhaldadeildar hjá fólki sem þolir ekki að bíða eftir niðurstöðum skoðanakannana

[Jóhann Pétur Pétursson, 12.2.2009 kl. 16:34]

Nei þetta er algerlega rangt hjá þér og í þínum málflutningi ferðu algerlega með rangt mál. Forsetinn hefur verið umdeildur mjög lengi og margir sett spurningarmerki við hans gjörðir og hans málflutning og langt því frá allir tengdir Sjálfstæðisflokknum. Þú gætir ekki haft meira rangt fyrir þér í þessum pistli þínum.

Ólafur Ragnar Grímsson hefur gengið miklu lengra í pólitískum afskiptum heldur en nokkur annar forseti. Að vísu ætlaði einn þeirra að skipa utanþingstjórn en til þess kom aldrei. Forsetar hafa aldrei falið einhverjum öðrum en þeim sem að hefur meirihluta á þingi að mynda ríkisstjórn.    Spurningin er ekki hvort að einhver sé ósáttur með að hafa farið halloka eða ekki. Það er staðreynd að enginn forseti annar en Ólafur Ragnar Grímsson hefur fengið á sig viðlíka gagnrýni. Spurningin ætti frekar að vera, hvernig getur forseti setið sem að er EKKI sameiningartákn þjóðarinnar.

[Birgir Guðjónsson (IP-tala skráð) 12.2.2009 kl. 20:11]

ÓRG hefur ALDREI hætt að vera pólitískur !

Það er vandamálið, og vandamálið við hans forsetasetu !