Ætla þingmenn seint að vitkast?

Ýmsir myndu halda því fram að umræðan um Icesave-reikningana á Alþingi í dag væri með ólíkindum. Forystumenn stjórnarandstöðunnar koma fram í þessu máli eins og trúðar en ekki málsmetandi stjórnmálamenn. Lét formaður Sjálfstæðisflokksins jafnvel í veðri vaka að hann hefði ekki kynnt sér málið til fulls. Samt gengur hann um gasprandi og bendir ekki á neinar lausnir.

Sennilega er rétt hjá Ötmundi Jónassyni að stjórnarandstaðan leiti nú allra leiða til að fella ríkisstjórnina með því að fella frumvarp hennar um þessa nauðarsamninga og leiki síðan þann leik að semja á svipuðum nótum. Formaður Sjálfstæðisflokksins reynir með þessu móti að draga athyglina frá þeim vanda sem forysta flokksins á við að stríða vegna 900 milljóna láns sem enginn er ábyrgur fyrir en einhverjir hafa haft nokkrar tekjur af. Væri ekki ráð að formaðurinn gerði tvennt: réðist gegn spillingunni í eigin flokki og kæmi með nothæfar tillögur í Icesave-málinu?

Athugasemdir

[Árni Gunnarsson, 2.7.2009 kl. 22:51]

Þessar vangaveltur þínar eru svo sannarlega fullrar athygli verðar.

[María Kristjánsdóttir, 2.7.2009 kl. 22:56]

Eins og talað út úr mínu hjarta

[Eygló, 3.7.2009 kl. 00:35]

Ef ég væri stofnun, sjóður, stuðningsland eða eitthvað álíka, er ég bara hreint ekki viss um að ég lánaði þessari þjóð eða treysti henni fyrir nokkrum sköpuðum hlut... með þessi göfugmenni (langaði að skrifa "gerpi") í forsvari fyrir land, þjóð, samninga og fjármuni.

[Sigurlaugur Þorsteinsson, 3.7.2009 kl. 10:52]

Það er með hreinum ólíkindum hversu ákafir Sjálfstæðismenn eru við að hlaupa frá ábyrgðum sínum í þessum málum,svo ég tek að fullu undir með þér um þá.

Framsókn með þennann formann er hreinlega úti á túni í bölsýnir og dómdagsspám,vonandi komast þeir aldrei til valda aftur,viðhorf þeirra og pólitík hefði kanske dugað á dögum hjúalaga og bændaánauðar,ekki í dag.

Ég eins og öllum Íslendingum svellur reiðin yfir svínaríinu,en við komumst ekki með góðu móti undan því að greiða og hef enga trú á að Jóhanna og Steingrímur hefðu sett þetta fram,nema af því að lengra er ekki hægt að ná í samningum.

Kv Laugi

[Eygló, 3.7.2009 kl. 12:51]

Mældist ekki Framsókn með mesta stuðning til margra ára, í skoðanakönnun?

OG Sjálfstæðisflokkurinn væri aftur orðinn stærsti flokkurinn miðað við sömu könnun!  Ekki viss að við, hinir almennu borgarar, séum heldur í lagi.

[kjartan (IP-tala skráð) 3.7.2009 kl. 12:54]

Þetta er allveg rétt, stjórnarandstaðan vælir og vælir en ber engar lausnir fram. Við (þjóðin/ ríkið ) erum í sömu sporum og margir landsmenn sem eru nú þegar komnir í fjárhagsleg vandræði vegna erlendra lána, bankinn heimtar sitt og lítið þíðir að reyna að semja sig frá skuldum þar. Það er skrýtið að einhverjir haldi að við ( þjóðin/ ríkið ) geti á einhvern hátt samið betur. Lánveitandin hefur valdið.

[Elle_, 3.7.2009 kl. 12:57]

Þakka þér fyrir þetta Arnþór, en ég verð nú að segja að alltof sterk rök eru fyrir því að skrifa ekki undir Icesave nauðrungar-samninginn eins og hann er nú.  Þetta virðist heldur vera þvingun AGS, Breta og kannski annarra ofríkisvelda. 

[Elle_, 3.7.2009 kl. 13:13]

Nauðungar-samninginn.

[Guðjón Sigþór Jensson, 3.7.2009 kl. 22:06]

Upphlaup Sjálfstæðisflokksins og Framsóknarflokksins í þessu Icesafe máli er með ólíkindum. Þeir virðast ekki átta sig á því að ákvarðanir þeirra leiddu til þessa skelfilega ástands. Ætla þeir að verða menn að meiri og viðurkenna þau? Sennilega ekki. Þeir vilja beita sömu aðferðum og fasistar fyrri tíma: allt sem aflaga fer er öðrum að kenna en þeim sjálfum.

Um 30 braskarar fengu heimild um frjálsar hendur að ráðgast með fjöregg þjóðarinnar. Forystumenn Sjálfstæðisflokks og Framsóknarflokks vilja ekkert vita um þær staðreyndir að þetta voru þeirra eigin dekurdrengirnir sem ekkert minnsta rykkorn má falla á.

Mosi