Gaf unnustunni legstað í jólagjöf

Þegar Kínverjar hófu breytingaskeiðið mikla, sem enn stendur yfir, tóku að birtast auglýsingar í kínverska alþjóðaútvarpinu. Meðal annars voru auglýstir aðlaðandi legstaðir á fallegum stöðum, einkar hentugir Kínverjum, sem hefðu flutt úr landi og vildu hvíla beinin í kínverskri mold.

Mér varð hugsað til þessara auglýsinga, þegar ég heyrði frétt í BBC í gærkvöld. Þar greindi frá því að Írum þættu þeir sjálfir fremur klaufskir elskhugar og írskir karlmenn ættu oft í erfiðleikum með að tjá ást sína. Metið sló þó ungur maður, sem gladdi unnustu sína um seinust jól með því að gefa henni legstað í jólagjöf. Konan taldi hann órómantískasta mann Írlands.

Athugasemdir

[Sævar Óli Helgason, 6.3.2012 kl. 16:41]

Hva...?!?

Hann vildi kannski bara losna við hana...?

Take a hint... Girl...!

[Björn Emilsson, 7.3.2012 kl. 12:03]

Já, en þú veist það Arnór að kínverjar hugsa í áratugum fram í tímann. Manngarminum finnst þetta sjálfsagt það besta sem hann geti gefið konunni. Öryggi framyfir líf og dauða. Kínverjar fara sér hægt og sígandi. Ekki þar með sagt að þeir hafi rétt fyrir sér.