Kosningafrumvarpið kemst ekki í gegn

Haft er eftir heimildarmanni á Alþingi að frumvarpið um breytingar á kosningalögum, þar sem gert er ráð fyrir rýmkun ákvæða um persónukjör, verði ekki afgreitt á yfirstandandi þingi. Mörg atriði frumvarpsins eru talin þurfa nánari skoðunar við. Þá hefur og verið bent á að frumvarpið gangi þvert gegn 29. gr samnings SÞ um málefni fatlaðra.

Samkvæmt áreiðanlegum heimildum svaf Öryrkjabandalag Íslands á verðinum í þessu máli og höfðu menn þar enga hugmynd um þá aðför að mannréttindum sem fólgin er í frumvarpinu.

Vænta má þess að frumvarpið verði tekið til nánari skoðunar og hagsmunaaðilar hafðir með í ráðum.

Athugasemdir

[Púkinn, 12.3.2009 kl. 14:38]

Nú skil ég ekki...

Hér er umrædd 29 grein:

29. grein

1. Hver maður hefur skyldur við þjóðfélagið, enda getur það eitt tryggt fullan og frjálsan persónuþroska einstaklingsins.
2. Þjóðfélagsþegnar skulu um réttindi og frjálsræði háðir þeim takmörkunum einum, sem settar eru með lögum í því skyni að tryggja viðurkenningu á og virðingu fyrir frelsi og réttindum annarra og til þess að fullnægja réttlátum kröfum um siðgæði, reglu og velferð almennings í lýðfrjálsu þjóðfélagi.
3. Þessi mannréttindi má aldrei framkvæma svo, að í bága fari við markmið og grundvallarreglur Sameinuðu þjóðanna.

 Hvernig í ósöpunum stangast frumvarpið á við þetta?

[Arnþór Helgason, 12.3.2009 kl. 16:09]

Ér er ekki um að ræða sáttmála SÞ heldur sáttmála SÞ um málefni fatlaðra. Sjá umfjöllun á

http://arnthorhelgason.blog.is/blog/arnthorhelgason/entry/822137/

[Þorsteinn Briem, 12.3.2009 kl. 17:22]

Gott væri ef þú útskýrðir fyrir okkur við hvað þú átt hér nákvæmlega, Arnþór.