Veiruvarnaforrit

Borðtölvan gafst upp um daginn eins og greint hefur verið frá á síðum þessum. Í gær fengum við hana úr viðgerð frá Örtækni og virðast Hartmann Guðmundsson og hans menn hafa unnið prýðisgott verk.

Þegar við settum vélina í gang aftur birtist Norton og bauðst til að selja okkur uppfærslu á veiruvarnaforriti. Við ætluðum að samþykkja kaupin en þá var ævinlega spurt um cupon. Nú var Nortun settur upp á vélina fyrir nokkrum árum sem tilraunaforrit og veit ég ekki til að við höfum fengið neitt leyfisnúmer. Þess vegna gekk uppfærslan ekki.

Vafa laust þarf að gera einhverjar ráðstafanir til þess að verja heimilistölvurnar árásum galdramanna. Þessar sendingar virðast geta verið býsna skæðar. Þá er einungis eftir að velja réttu lausnina sem tefur ekki allt of fyrir skjálesaranum. Lykla-Pétur dugar varla því að skjálesarinn þolir hann ekki.

Athugasemdir

[Axel Þór Kolbeinsson, 10.5.2009 kl. 10:28]

Prófaðu Avira Antivir Personal - Free Edition.  Kostar ekki krónu og virkar sæmilega, en ég veit ekki hvernig skjálesarinn virkar með því forriti.

Þú getur sóttvörnina á slóðinni http://free-av.com/en/download/index.html

[Sveinn í Felli (IP-tala skráð) 10.5.2009 kl. 11:05]

Avast Antivirus Home er ágætis forrit, einfalt í uppsetningu og ókeypis fyrir einstaklinga. Það þarf að skrá sig einu sinni á ári til að fá aflæsingarkóða.

http://avast.com/eng/download-avast-home.html

[Finnur Bárðarson, 10.5.2009 kl. 14:48]

Nei, nei, fáðu þér bara Makka