Það verður engin siðbót í íslnskum stjórnmálum á meðan núverandi forysta ræður ríkjum

Í kvöld var haft eftir Geir Haarde að engin breyting verði á ráðherraliði Sjálfstæðisflokksins um áramótin.

Fjöldi manns hefur látið í ljós þá skoðun að a.m.k. tveir ráðherrar ríkisstjórnarinnar eigi að segja af sér, þeir Björgvin Sigurðsson og Árni Mathiesen. Sem ráðherrar stóðuþeir ekki vaktina og bera því öðrum fremur ábyrgð á þí hvernig komið er í íslenskum efnahagsmálum.

Þá eru kröfurnar háværar um að þeir Baldur Guðlaugsson og Jónas Fr. Jónsson verði látnir hætta, annar fyrir vanmátt í starfi og hinn fyrir að hafa notfært sér innherjaviðskipti eða líkindi þeirra eftir að hafa setið á fundum með fjármálaráðhera Breta í haust.

Það virðist sammerkt forystumönnum ríkisstjórnarinnar að annaðhvort vita þau ekki hvað ábyrgð er eða þau þora ekki að taka á málum. Því lengra sem líður dæma þau hvort annað úr leik.

Þá er komið upp nýtt slanguryrði í íslenskri tungu, "að haarda" sem merkir að gera ekki neitt, einkum ef kunningjar og vinir eiga í hlut.

Það stefnir óðfluga í að fólk, sem einu sinni var talið efnilegt, hrapi fram af hengiflugi spillingarinnar, þess meins sem hrjáð hefur íslenskt samfélag. Annað þeirra má teljast einn af arkitektum þess skipulags sem leiddi okkur út á hildýpi græðgi og sóunar. Hann dregur nú stallsystur sína með sér í spillingardjúpið og hún hefur hvorki framar löngun né orku til að spyrna á móti. Ráðherrastóllin er of dýrmætur og það skal setið á meðan sætt er.

Niðurskurður fjár til Háskóla Íslands

Í speglinum í gær var fjalla um niðurskurð fjár til Háskóla Íslands, hvaða afleiðingar hann hefði og aðstöðumun ríkisháskólanna og hinna einkareknu.

Þar kom m.a. fram að íslenska háskólakerfið væri um margt sérstakt. Fleiri háskólar væru hér miðað við mannfjölda annars staðar, fleiri útskrifuðust úr háskólum hérlendis miðað við mannfjölda en annars staðar og að þekkingarstig væri að mörgu leyti lægra en annars staðar þektist.

Þá kom einnig fram að hér hallaði meira á ríkisreknu háskólanna en annars staðar. Skýringin er sú að fjárveitingar til þeirra eru reiknaðar út samkvæmt ætluðum nemendafjölda og hið sama gilti um einkaháskólana. Þeir nytu hins vegar hærri skólagjalda sem ríkisreknu háskólarnir gera ekki.

Þetta er enn eitt dæmið um dekrið við einkaframtakið sem vissulega er lofsvert á flestum sviðum en ekki öllum.

sú hugsun læðist að mér að væri fjármagn frá hinu opinbera skorið algerlega niður til einkareknu háskólanna sem eru vart einkareknir, væri hægt að auka mjög námsframboð við Háskóla Íslands og tryggja um leið aukin gæði í náminu.

Því er hér með lagt til að fjárframlög til einkarekinna háskóla verði skorin niður á næsta ári.

Ríkisútvarpið fær að vera í friði um sinn

Óðagotið er með ólíkindum á Alþingi og ætla mætti að stjórnarmeirihlutinn léti stundum stjornast af annarlegum hvötum.

Nú hefur komið í ljós að áformuð lög um að svipta Ríkissjónvarpið stöðu sinniá auglýsingamarkaði voru vanhugsuð. Getur þá ekki einnig verið að uppsagnir starfsmanna RÚV hafi verið vanhugsaðar? Er hægt að snúa við og hverfa frá áætluðum samdrætti?

Stöndum vörð um Ríkisútvarpið og eflum það. Það er gagnrýnasti og sjálfstæðasti fjölmiðill þjóðarinnar! Verjum það gegn vanhugsuðu óðagoti óvina þess!

Vilji almennings

Geir Haarde greindi frá því í hádegisfréttum Ríkisútvarpsins að hefja þyrfti undirbúning fjárlagaársins 2010 þegar eftir jól. Velti hann fyrir sér hvernig ætti að styrkja stöðu ríkissjóðs og nefndi tvennt: hærri skatta eða samdrátt í ríkisútgjöldum.

Fyrir nokkrum árum tjáði þjóðin skoðun sína á þessu máli. Þá kom í ljós í skoðanakönnun að yfirgnæfandi meirihluti vildi greiða hærri skatta til þess að hægt yrði að standa vörð um velferðarkerfið.

Vonandi ber Sjálfstæðisflokkurinn gæfu til þess að bæta fyrir þau skemmdar- eða hryðjuverk sem hann hefur haft forystu um að fremja á íslensku skatta- og velferðarkerfi. Jafnari skipting og velferð eru hugðarefni meginþorra þjóðarinnar nú sem fyrr.

Orð skulu standa

Nú bendir flest til að ríkisstjórnin muni hverfa frá verðtryggingu örorkubóta þvert á það sem lög kveða á um.

Ævinlega er það svo að fyrst er skorið niður hjá öldruðu fólki og öryrkjum þegar harðnar á dalnum. Þessir hópar og láglaunafólk virðast axla þyngstu byrðar samfélagsins.

Ríkisstjórnir Sjálfstæðisflokksins lögðu sig í líma við að bæta hag hátekjufólks um leið og kerfi almannatrygginga var eyðilagt. Hvernig væri nú að fara nú að lögum einu sinni til tilbreytingar?

Eftir að Íslendingar komust ekki inn í öryggisráð SÞ eru forsendur mikillar útþennslu utanríkisráðuneytisins brostnar. Þar mætti sparameira en gert hefur orðið. Víðar eru matarholur í stjórnkerfinu sem mætti loka og koma þar með í veg fyrir að grunnstoðir samfélagsins verði skertar.

Siðferði íslenskra viðskiptajöfra

Sigrún Davíðsdóttir, fréttaritari Ríkisútvarpsins í Bretlandi, er greind, skemmtileg og athugul kona. Í gær flutti hún athyglisverðan pistil í Speglinum þar sem hún fjallaði um David nokkurn Ross sem skaust upp á viðskiptahimininn, eignaist einkaþotu, studdi Íhaldsflokkinn og lánaði honum jafnvel þotuna.

Fyrir nokkru vaknaði grunur um vafasamt athæfi hans. Hann sagði sig þá úr stjórnum þeirra fyrirtækja sem hann sat í. Grunurinn einn dugði til þess.

Sigrún leggur síð'an út af þessari sögu og fjallar um gagnsæi í rekstri íslenskra fyrirtækja. Telur hún margt leggjast á eitt til þess að koma í veg fyrir að erlendir fjárfestar hafi lyst á að taka þátt í íslensku atvinnulífi; spillingin sé hér landlæg.

Á Spegilinn má hlusta hér:

http://dagskra.ruv.is/ras1/4450843/2008/12/17/

Hagstjórn eða spávísindi

Ýmislegt fer öfugt ofan í mig um þessar mundir. Því meira sem ég les og heyri þeim mun minna skil ég.

Bandaríkjamenn eru skuldugasta þjóð heims og lækka nú stýrivexti svo mjög að vart verður hægt að lækka þá meira.

Austan hafs og í Mið-Austurlöndum lækka menn einnig stýrivexti.

Hér á landi er stýrivöxtum haldið háum og það er sagt eiga að tryggja að gjaldeyrir, sem bankarnir hafa eytt og falinn var þeim til varðveislu, fljóti ekki út úr landinu.

Krónunni er haldið á floti með gjaldeyrishöftum og erlendir einstaklingar og fyrirtæki geta ekki nálgast aurana sína og flutt úr landi og það eitt ætti að duga.

Til hvers þarf þá svona háa stýrivexti? Hvort ráða kenningar Seðlabankans eða Alþjóða gjaldeyrissjóðsins þessu og hvort er vit í því?

?

Verður Páll Magnússon síðasti formaður Framsóknarflokksins?

Í dag er afmælisdagur Framsóknarflokksins en hann var stofnaður þennan dag árið 1916. Er hann því elstur íslenskra stjórnmálafokka enda kominn að fótum fram.

Það horfir til fjörugs landsþings framsóknarmanna í janúar þegar kjörin verður ný forysta flokksins. Nú hefur Siv ákveðið að bjóða sig til varaformanns og vill starfa með Páli Magnússyni.

Páll Magnússon hefur lengi langað í völd innan flokksins. Árið 1994, þegar undibúningur hófst vegna þingkosninga árið eftir reyndi hann að knésetja Siv strax þá um vorið, en hinn skarpgreindi lögfræðingur, Jóhann Pétur Sveinsson, var henni til ráðuneytis og varð Páll undir.

Stjórnmálaferill Sivjar er öllu farsælli en Páls og þess vegna hefði verið eðlilegt að Páll byði sig fram til varaformanns en Siv til formanns.

 

Síðasti róðurinn er sennilega að hefjast. Jafnvel Jónína Benediktsdóttir getur ekki hresst flokkinn við fremur en Kristinn H. Gunnarsson.

Burtu með Ráðherrabústaðinn!

Fólk hefur nú sívaxandi áhyggjur af væntanlegu ástandi eftir áramótin. Hvers vegna grípa samtök fatlaðra ekki til aðgerða og mótmæla óaðgengilegum ráðherrabústað? Þangað kemst enginn maður í hjólastól hjálparlaust. Mér finnst notkun bústaðarins til funda ríkisstjórnarinnar bera vott um skeytingarleysi og fyrirlitningu á hópi fólks sem eru einnig Íslendingar.

Ríkisstjórnin inn um bakdyrnar

DV dæmt úr leik

Það er háskalegt þegar ritstjórar og blaðamenn láta stjórnast af hótunum. Þar með rýrnar trúverðugleiki þeirra.

Hætt er við að Reynir Traustason beri varla sitt barr eftir atburði kvöldsins. Haldi hann hlífiskildi yfir sjálfum sér með því að halda skildi yfir höfði þess er hótaði honumer hann orðinn um leið ósamkvæmur sjálfum sér, verður að taka aftur orð sín um spillingaröfl þessa lands og getur ekki tekist á við uppbyggingu nýs og betra Íslands. Hann er þá sjálfur orðinn holdgervingur þeirrar spillingar sem hann hefur eignað öðrum.

Hugsanlega er skýringin sú að hann eigi ekki hljóðrit af samtalnu við ógnvald sinn.